fbpx
ახალი ამბები კულტურა მთავარი საზოგადოება

პოლონეთში ქართული ქვევრის პრეზენტაცია გაიმართა

გარემოს დაცვისა და სოფლის მეურნეობის სამინსტროს ინფორმაციით, პოლონეთში გამართულ მასშტაბურ ფოლკლორულ ფესტივალზე „Pannonica folk festival 2019″ ქართული ქვევრის პრეზენტაცია მოეწყო. პროექტის მიზანია ქვევრის დამზადებისა და მის გამოყენების სრული ციკლის წარმოჩენა და პოპულარიზაცია. ფესტივალზე ფილმის – “დამზადებულია ქვევრში” ჩვენება გაიმართა, რომელშიც მოთხრობილია ქართული ღვინის კულტურისა და ქვევრის დამზადების ტექნოლოგიის შესახებ.
ფესტივალზე თიხის გამოსაწვავი ღუმელის დემონსტრირებაც მოხდა. აღნიშნული ღონისძიება ფესტივალის ცენტრალურ ადგილას მოეწყო და ქვევრის ნახვის საშუალება ბევრ სტუმარს მიეცა.
ქვევრის ღვინის დაყენების ქართულ ტრადიციულ მეთოდს 2013 წელს იუნესკოს (UNESCO) არამატერიალური კულტურული მემკვიდრეობის ძეგლის სტატუსი მიენიჭა, რაც ამ მეთოდის უნიკალურობაზე მიუთითებს და გზავნილია მთელი მსოფლიოსთვის, რომ ღვინო უძველესი ქართული კულტურის შემადგენელი ნაწილია.
ფესტივალმა ასევე უმასპინძლა სემინარებს ქართული ღვინის შესახებ, რომელსაც ღვინის ეროვნული სააგენტოს კონტრაქტორი კომპანია „ვინისფერას” ხელმძღვანელი მარიუს კაპჩინსკი უძღვებოდა. მისი განცხადებით, მონაწილეები აღფრთოვანებულნი დარჩნენ ქართული ღვინითა და მისი კულტურით. დეგუსტაციაზე წარმოდგენილი იყო ქვევრის ღვინოები. საგამოფენო სივრცეს ღვინის პროფესიონალები, ღვინით ვაჭრობის სფეროს და მედიის წარმომადგენლები სტუმრობდნენ.
პოლონეთი ქართული ღვინის საექსპორტო ერთ-ერთ სტრატეგიულ ბაზარს წარმოადგენს, სადაც ქართული ღვინის ცნობადობის გაზრდის მიზნით, ღვინის ეროვნული სააგენტოს დაფინანსებით სხვადასხვა მარკეტინგული ღონისძიება იმართება. ქართული ღვინის ექსპორტიორი ქვეყნების ხუთეულში პოლონეთმა სტაბილურად დაიმკვიდრა ადგილი. მიმდინარე წლის 8 თვის მონაცემებით, საქართველოდან პოლონეთში ექსპორტირებულია 2,5 მლნ-ზე მეტი ბოთლი ღვინო, ზრდამ გასული წლის ამავე პერიოდთან შედარებით 20% შეადგინა.

სხვა ამბები

LIVE: ამერიკის საელჩოსთან “პატრიოტთა ალიანსის” აქცია იმართება

newsadmin

კრამერები და ბრაიზები ძალზედ აზიანებენ ჩვენს გულწრფელ გრძნობებს – ინაშვილი

newsadmin

“გირჩის” წესიერმა ამომრჩევლებმა გაითვალისწინეთ, რომ თქვენი ხმა საბოლოოდ ბიძინას მიუვა – კახიძე

newsadmin

„ფოტოგრაფიის ღამე“ თბილისში მეათედ გაიმართა

newsadmin

მუხიანის მეოთხე ბ მიკრორაიონში სკვერის რეაბილიტაცია დასრულდა

newsadmin

“პუტინმა უთხრა ივანიშვილს, თუ საჯაროდ არ იტყვი უარს ნატო-ზე, ე.წ. სამხრეთ ოსეთის აექსიას მოვახდენო”

newsadmin
იტვირთბა....