fbpx
მთავარი სოციალური ქსელი

“გერმანიაში მოკლეს ჩვენი მეგობარი ზელიმხან ხანგოშვილი, ეს ტყვიები ქართული სახელმწიფოს ერთგულებისთვისაც მოხვდა”

“ნაციონალური მოძრაობის” წევრი ნუგზარ წიკლაური სოციალურ ქსელში ზელიმხან ხანგოშვილის მკვლელობას ეხმაურება.

“გუშინ გერმანიაში მოკლეს ჩვენი მეგობარი, საქართველოს მეგობარი, კავკასიის დიდი პატრიოტი და თავისუფლების მებრძოლი ზელიმხან ხანგოშვილი. ერთი მათ შორის, ვინც დაუხვდა კავკასიაში შემოჭრილ რუსებს.

რამდენიმე წლის წინ თბილისში ესროლეს რუსებმა, დაჭრეს ოთხი ტყვიით და სახელმწიფომ სხეულის მსუბუქი (!!!) დაზიანებით აღძრა საქმე და დაცვის გამოყოფაზეც უარი თქვა. გაქრა ვიდეოკამერების ჩანაწერებიც…
მერე წავიდა საქართველოდან და ახლა გერმანიაში ესროლეს უკვე სასიკვდილოდ.

ბევრმა არ იცის, რომ ზელიმის უშუალო ჩარევის გარეშე ჩვენ გვექნებოდა ბევრად მეტი მსხვერპლი ლაფანყურის სპეცოპერაციისას; ზელიმხან ხანგოშვილი იყო ის კაცი, ვინც ყველანაირად ცდილობდა, რომ პანკისელი მოზარდები არ წასულიყვნენ სირიის სასაკლაოზე. აგრეთვე, ზელიმხანი იყო იმედიანი კაცი, რომელიც მხარს უჭერდა კავკასიელების ბრძოლას ყველგან და მთელი მისი ძალ-ღონით.

ზელიმხან ხანგოშვილის მკვლელობა კავკასიის ომის ახალი ეპიზოდია. ეს ტყვიები მას ქართული სახელმწიფოს ერთგულებისთვისაც მოხვდა.

ხსოვნა იყოს ამ საუკეთესო კაცის, თავდადებული კაცის, რომლის სახელი შეუერთდა რუსების ძალმომრეობასთან მებრძოლ გმირთა უკვდავ გუნდს.

სამძიმარი პანკისელებს და ყველას, ვინც რუსულ იმპერიულ ბოროტებასთან ბრძოლას აგრძელებს”, – წერს წიკლაური.

შეგახსენებთ, რომ გერმანიაში პანკისელი ზელიმხან ხანგოშვილი მოკლეს. გავრცელებული ინფორმაციით, მას თავში ცეცხსასროლი იარაღიდან თავში ესროლეს. ინფორმაციას “radioway” ავრცელებს.

სხვა ამბები

“ვერ დაადანაშაულებ სააკაშვილს, რომ ჩორჩანას საზღვარი მან დაადგინა” – ვოლსკი

newsadmin

ქართველი მოჭიდავე ბექა ლომთაძე მსოფლიო ჩემპიონია

newsadmin

დაშავებულია 100 ადამიანი – მიწისძვრა ალბანეთში

newsadmin

“საქართველოს რკინიგზა” ხვალიდან თბილისი-ბათუმის ერთ რეისს აუქმებს

newsadmin

“პრეზიდენტი თავად იყო უკმაყოფილო გადაწყვეტილებით, რომელიც მოამზადეს” – თალაკვაძე შეწყალების საქმეზე

newsadmin

“რეგულარულად ვვარჯიშობ, ძირითადად სირბილი და ტენისი” – თალაკვაძე

newsadmin
იტვირთბა....