aviabiletebi
ახალი ამბები მთავარი საზოგადოება სამართალი

“ლაურა ღაჭავას არ აქვს იმის საშუალება, რომ გირაო შეიტანოს” – ადვოკატი

aviabiletebi
ავიაბილეთები

ბიზნესმენ ლაურა ღაჭავას ადვოკატმა კობა ამბარდნიშვილმა ჟურნალისტებთან საუბრისას განაცხადა, რომ მისი დაცვის ქვეშ მყოფს არ აქვს იმის საშუალება, რომ 500 000 ლარი გირაო შეიტანოს

ადვოკატის თქმით, სასამართლოს დღევანდელ გადაწყვეტილებას დაცვის მხარე სააპელაციო სასამართლოში გაასაჩივრებს.

„დღეს აღკვეთის ღონისძიების სახით 500 ათასი ლარის გამოყენება, ჩვენთვის მიუღებელია. არც ველოდით ასეთი თანხის გაჟღერებას, რადგან სახელმწიფო ბრალდებამაც იცის, რომ ლაურა ღაჭავას დაყადაღებული აქვს ყველა ქონება და აქტივი. არ აქვს ლაურა ღაჭავას იმის საშუალება, რომ 500 ათასი ლარი შეიტანოს, ეს იგივე პატიმრობის მოთხოვნაა. ჩვენ გავასაჩივრებთ. თუ აღკვეთის ღონისძიება სააპელაციო სასამართლომ ძალაში დატოვა, ვინმეს ვთხოვთ მის მეგობრებს, რომ უძრავი ქონებით მაინც შევიდეთ, რადგან ამ თანხას ვერ გადავიხდით”,- განაცხადა ამბარდნიშვილმა.

შეგახსენებთ, რომ ბიზნესმენ ლაურა ღაჭავას აღკვეთის ღონისძიების სახით 500 000 ლარის ოდენობით გირაო შეეფარდა. ამასთან, სასამართლომ დამატებითი ღონისძიების სახით, ლაურა ღაჭავას აუკრძალა სახელმწიფო საზღვრის გადაკვეთა საგამოძიებო ორგანოს ინფორმირებისა და თანხმობის გარეშე.

ლაურა ღაჭავას სახელმწიფოსთვის ორ მილიონ ლარზე მეტი ზარალის მიყენებას ედავებიან.

ფოტო: პირველი არხი

იტვირთბა....