“დღეს, რომ კურიერი არ გადის ეთერში ისეთივე კატასტროფაა, როგორც ის დილა, იმედზე ქრონიკა რომ ვერ გავიდა” – ხიდაშელი

“ის რასაც რუსთავი 2-ზე ვუყურებთ არის ქრესტომატიული მაგალითი ავტორიტარიზმისკენ მაღალი სიჩაქრით მიმავალი სახელისუფლებო მანქანის. ძალიან სამწუხარო და ცუდი პროცესია ეს, კიდევ უფრო ცუდი ამბების მაჩვენებელი. იმის მიუხედავად ვის რა ემოციები, განცდები და მოლოდინები გვქონდა რუსთავი 2-დან, ვის როგორ ტელევიზიად მიგვაჩნდა ის რომ დღეს კურიერი არ გადის ეთერში ზუსტად ისეთივე კატასტროფაა როგორც ის დილა იყო იმედის ქრონიკა რომ ვერ გავიდა ეთერში. კიდევ ერთხელ არავითარი მნიშვნელობა არ აქვს ვის მოგვწონდა ვის არა, ვინ უყურებდა და ვინ არა.
იმათთვის ვისაც არ გახსოვთ მე ის ადამიანი ვარ წლების მანძილზე უბრალოდ დაბლოკილი რომ იყო იმ ეთერში გამოჩენისგან, მაგრამ სრულიად არავითარი მნიშვნელობა არ აქვს ამას. ჩემი სრული სოლიდარობა თქვენ (ნოდარ მელაძე, ნანუკა ჟორჟოლიანი, გიორგი გაბუნია, ეკა კვესიტაძე, გიორგი ლაფერაშვილი)”

თინა ხიდაშელი – თავდაცვის ყოფილი მინისტრი

სოციალური ქსელი

შეგახსენებთ, რომ მას შემდეგ, რაც გუშინ “რუსთავი 2”-ის გენერალურმა დირექტორმა პაატა სალიამარხის წამყვანი ჟურნალისტები (ნოდარ მელაძე, ნანუკა ჟორჟოლიანი, გიორგი გაბუნია, ეკა კვესიტაძე, გიორგი ლაფერაშვილი) სამსახურიდან გაათავისუფლა, “კურიერის” წამყვანებმაც დიანა ჯოჯუამ და მიშა სესიაშვილმა სამუშაო ადგილები დატოვეს.

ასევე გუშინდელი ღამის შემდეგ ახალი ამბები არ ქვეყნდება “რუსთავი 2-ის” ვებსაიტზეც.