ახალი ამბები მთავარი პოლიტიკა საზოგადოება სამართალი

“ჩემთვის კითხვის ნიშნებს აჩენს, რომ სასამართლომ გირაო გამოიყენა” – ლომჯარია

დღეს შევხვდი ნიკა გვარამიას და მის ადვოკატს, მოვისმინე მათი არგუმენტაცია. რა თქმა უნდა, მაღალია საჯარო ინტერესი ამ საქმის მიმართ, – ამის შესახებ საქართველოს ომბუდსმენმა, ნინო ლომჯარიამ, „რუსთავი 2“-ის გენერალური დირექტორის საქმესთან დაკავშირებით განაცხადა.

„თვალს ვადევნებთ ამ პროცესს, თვალს ვადევნებდით სასამართლო პროცესს, პროკურატურის განცხადებას. დღეს შევხვდი ნიკა გვარამიას და მის ადვოკატს, მოვისმინე მათი არგუმენტაცია. რა თქმა უნდა, მაღალია საჯარო ინტერესი ამ საქმის მიმართ და იმის გათვალისწინებით, რომ ნიკა გვარამია წარმოადგენდა ერთ-ერთი ყველაზე კრიტიკული მედიასაშუალების დირექტორს და არის კრიტიკულად განწყობილი ხელისუფლების მიმართ, მის მიმართ დაწყებული დევნა ხდება სახალხო დამცველის ინტერესის საგანი. ჩემი შეფასებით, არის რთული სამართლებრივი საკითხი. ვფიქრობ, ძალიან მნიშვნელოვანია არსებობდეს სათანადო მტკიცებულებები, დასაბუთებული მსჯელობა იმასთან დაკავშირებით, რომ ეს კონკრეტული დავა წარმოადგენს სისხლის სამართლის განსჯადობის საკითხს“, – განაცხადა ლომჯარიამ.

ლომჯარიას თქმით, “უსთავი 2” ის საქმეზე პროკურატურამ მეტი მტკიცებულება უნდა წარადგინოს.

„ვაპირებთ, როცა დაიწყება სასამართლო, ყოველ შემთხვევაში ვეცდებით, ჩავერთოთ და წარვადგინოთ სასამართლო მეგობრის მოსაზრება სწორედ განსჯადობასთან დაკავშირებით, რადგან არსებობს კითხვები, არის თუ არა ეს სისხლის სამართლის კვალიფიკაცია, თუ სამოქალაქო განსჯადობის თემაა. ვფიქრობ, პროკურატურამ უნდა დაამტკიცოს განზრახვა, რაც აუცილებელია ამ ტიპის დანაშაულისთვის. ამ ეტაპზე, ჩემი წარმოდგენითა და მოსაზრებით საკმარისი მტკიცებულებები არ არსებობს განზრახვასთან დაკავშირებით. თუმცა, მზად ვართ, შევხვდეთ პროკურატურასაც და ის კითხვები, რაც დღეს გამიჩნდა გვარამიასთან და მის ადვოკატთან შეხვედრის შემდეგ, მოვისმინო ამ კითხვებზე მათი პასუხიც“, – განაცხადა ლომჯარიამ.

ამასთან, მისი თქმით კითხვებს აჩენს აღკვეთის ღონისძიებად გვარამიას მიმართ გირაოს მოტივიც.

„ჩემთვისაც კითხვის ნიშნებს აჩენს, რომ მოწმეზე ზეწოლის თავიდან არიდების მოტივით გამოიყენა სასამართლომ გირაო. მიჩნდება კითხვები, როგორ შეიძლება, უზრუნველყოს გირაომ, რომ ბრალდებულმა არ მოახდინოს ზეწოლა მოწმეებზე. ესაა კითხვები, რაც გვაქვს და არის ბევრი კითხვა კონტექსტიდან გამომდინარეც და სამართლებრივიც. ჩვენი მანდატის ფარგლებში ვიქნებით ჩართული ამ საქმეში მისი მიმდინარეობის დროს“, – აღნიშნა ლომჯარიამ.

ავიაბილეთები იაფად
იტვირთბა....