“ბოდიში, მაგრამ ეროვნული ბანკის ჩართვის საჭიროება დადგა ძალიან დიდი ხნის წინ” – ფინანსისტი

ახალგაზრდა ფინანსისტთა და ბიზნესმენთა ასოციაციის ვიცეპრეზიდენტი პაატა ბაიტრახტარი აცხადებს, რომ „დღეს არსებული კურსი გაცილებით უფრო მეტად არის გაუფასურებული, ვიდრე ამას განაპირობებს მაკროეკონომიკური პარამეტრები,

მისი თქმით, როცა ეროვნული ბანკის ხელმძღვანელი პირები ამბობენ, რომ ჯერ პროცესებს აკვირდებიან, სწორი სტრატეგია არ არის.

„ასეთ რეალობაში უკვე ირთვება ცნეტრალური ბანკის როლი. როცა ცენტრალური ბანკი ცდილობს, სრული იგნორი გაუკეთოს ქვეყანაში მიმდინარე პროცესებს, ამ შემთხვევაში ეროვნულ ვალუტას, ეს რასაკვირველია, ამძიმებს მდგომარეობას, საზოგადოებას უჩენს შიშის განცდას. გამოდის ცენტრალური ბანკის პრეზიდენტი და ამბობს, რომ თუ საჭიროება მოითხოვს ის ჩაერევა და გამოიყენებს ინსტრუმენტებს. ძალიან დიდი ბოდიში, მაგრამ ამის საჭიროება დადგა ძალიან დიდი ხნის წინ,“ – აცხადებს ახალგაზრდა ფინანსისტთა და ბიზნესმენთა ასოციაციის ვიცეპრეზიდენტი პაატა ბაიტრახტარი.