fbpx
ახალი ამბები მთავარი მსოფლიო პოლიტიკა საზოგადოება სოციალური ქსელი

“ვლადიმერ ვლადიმერის ძევ, სამწუხაროდ, ძალიან ცუდად იცით ისტორია, ან განზრახ ცრუობთ” – დეკანოზი ილია ჭიღლაძე

საქართველოს მართლმადიდებლური ეკლესიის მღვდელი, დეკანოზი ილია ჭიღლაძე სოციალურ ქსელ Facebook-ში ვლადიმერ პუტინის განცხადებასთან დაკავშირებით ვრცელ მართვას ავრცელებს და უშუალოდ ოკუპანტი ქვეყნის პრეზიდენტს მიმართავს.

განცხადებას “მეტრონომი” უცვლელად გთავაზობთ:

“პასუხი ვ. პუტინის დღევანდელ ანტიქართულ განცხადებაზე

ბატონო პრეზიდენტო, ვლადიმერ ვლადიმერის ძევ, მინდა პასუხი გაგცეთ თქვენს დღევნდელ განცხადებაზე: სამწუხაროდ, ძალიან ცუდად იცით ისტორია, ან განზრახ ცრუობთ: 1774 წელს რუსეთის იმპერიას შეუერთდა ოსეთი, მაგრამ ეს იყო დღევანდელი ჩრდილოეთ ოსეთის რესპუბლიკა. იმ პერიოდში არავითარი სამხრეთ ოსეთი არ არსებულა, იმ ტერიტორიას, რასაც თქვენ, კოლონიზატორმა რუსებმა “სამხრეთ ოსეთი” უწოდეთ, საქართველოს გულის გული “შიდა ქართლი” გახლავთ, ქართული კულტურის უძველესი კერა. არავითარი ორი ოსეთი არ არსებულა ბუნებაში, ოსური დიასპორა მე-17 საუკუნეში გადმოლახავს კავკასიონის წყალგამყოფ ქედს და სახლდება ქართველთა სამეფოს მიწაზე, ჯავაში. ხოლო ცხინვალში მეოცე საუკუნის დასაწყისშიც კი, ერთი ოსური ოჯახიც არ იყო, იქ ცხოვრობდნენ მხოლოდ ქართველები, ასევე სომხები და ებრაელები. ცხინვალის გაოსება ბოლშევიკური რუსეთის დამსახურებაა. მოკლედ, რომ გითხრათ: ცხინვალის რეგიონი 1801 წელს რუსეთის იმპერიის მიერ ქართლ-კახეთის სამეფოს დაპყობის დროს, ქართლ-კახეთის სამეფოს ისეთივე ნაწილი იყო, როგორც თბილისი, გორი, მცხეთა და თელავი.

რაც შეეხება აფხაზეთს: დიახ, 1810 წელს, როდესაც რუსეთის იმპერიამ აფხაზეთი შეიერთა, ის იყო თვითმმართველი სამთავრო, ოსმალეთის იმპერიის ვასალი. თუმცა ეს საქართველოს პროვინციულ სამეფო-სამთავროებად დაშლილობის და დასავლეთ და სამხრეთ საქართველოში ოსმალური ოკუპაციის შედეგი იყო და არა იმის, რომ აფხაზეთი საქართველო არ არის. განა რუსეთი არ იყო წვრილ-წვრილ დამოუკიდებელ სამთავროებად დაშლილი მე-15 საუკუნემდე? ეს განა გასაკვირია თქვენი ისტორიის მქონე ერისათვის?! აფხაზეთი ქართული კულტურის აკვანი და სახელმწიფოებრიობის აკვანია. აფხაზეთის მეფის წოდებით იწყებოდა წმ. დავით აღმაშენებლის და წმ. თამარ მეფის ოფიციალური ტიტულატურა.

თქვენი პოლიტიკურ-იმპერიალისტური ამბიცია და გაუნათლებლობა ისტორიის საკითხებში საცნაურია ჩვენთვის, ხოლო თქვენთვის საცნაური უნდა გახდეს ის, რომ
ქართველი ერი არასოდეს გაპატიებთ მისი ტერიტორიული საზღვრების ხელყოფას, ქართული მიწების ოკუპაციას. დაიმახსოვრეთ: თქვენ ვერ გაგიწევენ სათანადო დახმარებას თქვენი მონა-მსახური კოლაბორაციონისტი და გამყიდველი ქართველები, ისინი ერის დამპალი, მორალურად გაკოტრებული უმცირესობაა, რომელთა მდგომარეობა ძალიან მყიფეა! საქართველომ თავისი მრავალ ათასწლოვანი ისტორიის მანძილზე უამრავი მტერი მოინელა, მათ შორის მსოფლიო ტირანები მურვან ყრუ, ალაფარსლანი, ჯალალ-ედ დინი, თემურ-ლენგი, შაჰ-აბას I, და თქვენც მოგინელებთ!

ღმერთი დაიფარავს ჩაგრულ საქართველოს და მჩაგვრელი იქნება”,- წერს დეკანოზი ილია ჭიღლაძე.

შეგახსენებთ, ცოტა ხნის წინ რუსეთის ფედერაციის პრეზიდენტმა, ვლადიმერ პუტინმა გაავრცელა განცხადება, სადაც აღნიშნა, რომ “როდესაც ინგრეოდა რუსეთის იმპერია, საქართველომ სცადა აფხაზეთის გადაყლაპვა” და “საქართველოს მოქმედებები აფხაზეთში იგივე იყო, რაც გენოციდი”

სხვა ამბები

შსს-მ მაღაზია “აიტექნიკსის” ქურდობის ფაქტი გახსნა

newsadmin

ლავროვი – მნიშვნელოვანია, თბილისში მთავრობამ იპოვოს ძალა, რათა რუსეთის პრეზიდენტისადმი სამარცხვინო გამოხტომის გამო, დაგმოს ადგილობრივი ტელევიზია

newsadmin

“ნაციონალური მოძრაობა” არის მეხუთე კოლონა, რომელიც სახელმწიფოს შიგნიდან დანგრევას ცდილობს” – ხაინდრავა

newsadmin

“ჩემი მისამართით ტყვია მაშინ გაისროლეს, როცა ეპიცენტრიდან „კურიერის“ ჟურნალისტის, მარიამ გაფრინდაშვილის, გამოყვანას ვცდილობდი” – “რუსთავი 2”-ის დაცვის თანამშრომელი

newsadmin

ევროკომისიის პირველ ქალ პრეზიდენტად ურსულა ფონ დერ ლეიენი აირჩიეს

newsadmin

“ყველას ყველაფერი გვახსოვს, აქციაზე იმიტომ ვდგავარ, რომ ძველი ტირანია აღარ განმეორდეს” – კალატოზიშვილი

newsadmin
იტვირთბა....