“გაცილებით მნიშვნელოვანია, რომ ხელისუფლებამ შეინარჩუნოს მორალური და სახელმწიფოებრივი ავტორიტეტი იმისა, რომ ხვალ პანკისის ხეობაში კრიმინალს შეებრძოლოს და პანკისელები დაიცვას კრიმინალისგან. ამის მიღწევაა მნიშვნელოვანი და არა გუშინდელი ქვის მსროლელი ადამიანის დასჯა. ეს უნდა დაისახოს ამოცანად, ნდობა და ავტორიტეტი აღადგინოს, რომ ხვალ იქ პრობლემების გაჩენისას პოლიციელის მოქმედება იქნება საჭირო თუ პროკურორის, ეს შესაძლებელი გახდეს და მოსახლეობა ამას გაგებით შეხვდეს. ამიტომ, აქეთ გაიხედონ, შეცდომების კასკადი დაინახონ და არა სამართალდარღვევების კასკადი. პასუხისმგებელი პირი არის, ის ვინც არ გვყავს, პრემიერ-მინისტრი. ამიტომ, კი არ უნდა გადადგეს ვინმე, უნდა გადმოდგეს ვიღაცა და ქვეყანას უპატრონოს”.
დავით უსუფაშვილი, პარლამენტის ყოფილი თავმჯდომარე