fbpx
ახალი ამბები ეკონომიკა მთავარი

“ე.წ. საბანკო რეგულაციების „მოკლევადიანი გავლენა ამოწურულია” – „საქართველოს ბანკის“ გენერალური დირექტორი

„საქართველოს ბანკის“ გენერალური დირექტორის, არჩილ გაჩეჩილაძის შეფასებით, ე.წ. საბანკო რეგულაციების „მოკლევადიანი გავლენა ამოწურულია“.

როგორც Bm.ge წერს, ამის შესახებ გაჩეჩილაძემ რეგულაციების ეფექტის პირველი კვარტლის შეფასებისას განაცხადა.

გაჩეჩილაძის განმარტებითთ, მომავალში ქვეყნის ეკონომიკა და მოსახლეობა მიიღებს იმ ბენეფიტს, რაც ნაკლებ რისკიანობასთან არის დაკავშირებული.

„ცვლილებები ეროვნული ბანკის მიერ განხორციელდა იმისთვის, რომ რისკიანობა მთლიანი სისტემის, ისევე როგორც მოწყვლადი მოსახლეობის დამოკიდებულება დიდ ვალთან მიმართებით, შემცირებულიყო. შესაბამისად, სხვა ნებისმიერი ტიპის მოკლევადიანი გავლენა არის ამოწურული და მომავალში იქნება ის ბენეფიტები, რომელსაც ეკონომიკა მიიღებს და ეს ბენეფიტები დიდად იქნება გამოსახული ნაკლებად რისკიანობით. შესაბამისად, კრიზისის შემთხვევაში, დარტყმის ამტანიანობა საქართველოს და ჩვენ მოსახლეობას ექნება მეტი და ეს ძალიან დიდი სიკეთეა“, – განაცხადა გაჩეჩილაძემ.

შეკითხვაზე,  “უნდა შეარბილოს თუ არა სებ-მა რეგულაციები, გაჩეჩილაძე აცხადებს, რომ ამ საკითხში არ ჩაერეოდა.

„უნდაზე თავს შევიკავებდი, აშკარად. ეროვნულმა ბანკმა განაცხადა, რომ ის აკვირდება მოვლენების განვითარებას და თვითონ განსაზღვრავს რამდენად შეარბილოს ან არ შეარბილოს. ამ თემაში მე არ ჩავერეოდი. რაც შეეხება პორტფელს, ჯამური პორტფელი იზრდება. შეიძლება ითქვას, რომ მაშინ როდესაც სიტყვაზე, სამომხმარებლო სესხების ნაკლები ზრდა არის ან კლებაა, იპოთეკური სესხები მაინც იზრდება, განსაკუთრებით მაშინ, როდესაც ჩვენ შეგვიძლია ლარის საკმაოდ მიმზიდველი განაკვეთით სესხები შევთავაზოთ ჩვენს მოსახლეობას იპოთეკური დაფინასების კუთხით. ეს საკმაოდ პოპულარული პროდუქტია“, – აღნიშნა არჩილ გაჩეჩილაძემ.

სხვა ამბები

გოგაშვილი – დღეს მე ვმოღვაწეობ პარტია “ქართულ ოცნებაში”

newsadmin

დავით-გარეჯი იყო, არის და იქნება საქართველო, მისი დამთმობი დაითმობა ქართველი ერის მიერ – მეუფე ზენონი

newsadmin

„რუსთავი 2“ სტრასბურგის სასამართლოში საქართველოს წარმომადგენელ ლადო ჭანტურიას აცილებას უცხადებს

newsadmin

დარსალია – სამუშაოები აზერბაიჯანის კონტროლირებად ტერიტორიებზე ხორციელდებოდა

newsadmin

120 დევნილი ოჯახი მცხეთაში, ახალაშენებულ კორპუსებში, ბინის მფლობელი გახდა

newsadmin

კურორტ გოდერძიზე ძლიერი სეტყვა მოვიდა (ვიდეო)

newsadmin
იტვირთბა....