ნატოს გენერალურმა მდივანმა, იენს სტოლტენბერგმა პრემიერ მამუკა ბახტაძესთან ერთად გამართულ პრესკონფერენციაზე საქართველოს ნატოში გაწევრიანებაზე ისაუბრა.
“საქართველო გახდება ნატოს წევრი და არავის აქვს უფლება ჩაერიოს ქვეყნის მიერ არჩეულ გადაწყვეტილებაში” – ასეთი განცხადება გააკეთა იენს სტოლტენბერგმა. მისი თქმით, ნატოს წევრობა არის უსაფრთხოების გარანტია და საქართველოს სურვილი გაწევრიანდეს ორგანიზაციაში აუცილებლად მიიღწევა.
ნატოს გენერალური მდივანი ასევე ეწვევა ნატო-ს წვრთნებისა და შეფასების ერთობლივ ცენტრს და დაესწრება მის მიერ ორგანიზებულ ნატო-საქართველოს სწავლებას.
სტოლტენბერგის ვიზიტი საქართველოში დღესვე დასრულდება. ის თბილისს 24 მარტს ეწვია.