კვიციანი: “სტალინისთვის შემიძლია ტანკსაც შევუვარდე” (ვიდეო)

სტალინისთვის შემიძლია, შევუვარდე ტანკს – ასე უპასუხა “პატრიოტთა ალიანსის” ერთ-ერთმა ლიდერმა, ემზარ კვიციანმა “მეტრონომის” შეკითხვას: “ვინ არის თქვენთვის სტალინი”?

მისი შეფასებით, ის ყველაზე სწორად, ყველაზე მეტ ადამიანს მართავდა.

“სტალინი ჩემთვის კი არ იყო, არის კიდევაც, გენიოსი, სარდალი, რომელიც შეიძლება ითქვას, რომ მთელ მსოფლიოში აღიარებულია პირველად. ის არის ყველაზე ძლიერი პოლიტიკოსი, რომლისთვისაც ისევე, როგორც ეწირებოდნენ სტალინისა და სამშობლოს გულისთვის, ტანკებს უვარდებოდნენ, შემიძლია, ისე შევუვარდე ტანკს, იმიტომ, რომ მსოფლიოს გენერალ სიმუსებს შორის, ის არის ერთადერთი ქართველი და შეიძლება ითქვას, ყველაზე ძლიერი. ის მართავდა ყველაზე მეტ ადამიანს და ყველაზე სწორად. ის არის ავტოკეფალიის აღმდგენი, ჩვენთან და რუსეთში, რუსეთში, და ბოლოს ის არის ფაშიზმის დამამარცხებელი”, – განაცხადა ემზარ კვიციანმა.