aviabiletebi
ახალი ამბები მთავარი პოლიტიკა

ბრალდება ან უნდა დაადასტურო, ან ცრუ ბრალდებისთვის პასუხი უნდა აგო – ბახტაძე “ფრესკოს” დამფუძნებლის განცხადებაზე

aviabiletebi
ავიაბილეთები

საქართველოს პრემიერმინისტრი, მამუკა ბახტაძე „ფრესკოს“ დამფუძნებლის, ვასილ სოფრომაძის განცხადებას ეხმაურება.

მისი თქმით, ის, რომ იარაღით მიდიან ბიზნესმენებთან ფინანსთა სამინისტროს წარმომადგენლები, არის ძალიან მძიმე ბრალდება.

“ფრესკოს დამფუძნებლის კომენტარი არ წამიკითხავს. აუცილებლად მოვისმენ ამ განცხადებას. თუმცა ის, რომ იარაღით მიდიან ბიზნესმენებთან ფინანსთა სამინისტროს წარმომადგენლები, არის ძალიან მძიმე ბრალდება. როცა ასეთ მძიმე ბრალდებას აყენებ, ან უნდა დაადასტურო, ან ცრუ ბრალდებისთვის პასუხი უნდა აგო. ჩვენი ფილოსოფია არის ის, რომ თითოეულ ადამიანს ვცემთ უდიდეს პატივს, რომელიც თუნდაც ერთ სამუშაო ადგილს ქმნის საქართველოში. ეს არის ჩვენი მიდგომა და ჩვენი ფილოსოფია. თუ ეს ბრალდებები გამყარებულია კონკრეტული ფაქტებით, პირველი ვიქნები, რომელიც მოითხოვს ასეთი გამოძიებების დასრულებას უმოკლეს ვადაში და ამაზე ვიღებ სრულ პასუხისმგებლობას.

ჩემთვის მთავარია ობიექტური კრიტერიუმები, ვინაიდან, სამწუხაროდ, შეფასებებში ხშირად ვისმენთ როგორც ჩანს პოლიტიკურად მოტივირებულ თუ დამახინჯებულ ფაქტებს. თითოეული მოქალაქის წარმატებაა, რომ საქართველოს მოიაზრებენ მსოფლიო ლიდერად, მე დავასახელე doing business-ში მე-6 ადგილი, ბევრი სხვა რეიტინგი შემიძლია მაგალითად მოვიტანო ამისთვის, რომლებიც ობიექტურ კვლევებზეა დაყრდნობილი. ჩემთვის რეიტინგებსაც შინაარსობრივად დიდი მნიშვნელობა არ აქვს, რადგან ეს არის მექანიზმი, რომ ჩვენ დავძლიოთ გამოწვევები, რომელიც გვაქვს და უნდა დავძლიოთ. ამავე დროს მნიშვნელოვანია, რადგან ეს არის ობიექტური კრიტერიუმი და არა ის, რომ ვიღაც განცხადებას გააკეთებს, ხშირ შემთხვევაში სრულიად უსაფუძვლოს“, – განაცხადა მამუკა ბახტაძემ.

„ფრესკოს“ დამფუძნებელი: ნუ ექცევით ბიზნესს, როგორც ქუჩის ქალს, ბიზნესი საკადრის პასუხს გაგცემთ

 

იტვირთბა....