fbpx
ახალი ამბები მთავარი საზოგადოება

“მოქალაქეების ეთნიკური ნიშნით გამოყოფა მიუღებელია” – ლომჯარია

პარლამენტარ მარიამ ჯაშის განცხადებას,  საქართველოში მცხოვრებ ეთნიკურად აზერბაიჯანელი მოსახლეობის შესახებ, საქართველოს სახალხო დამცველი ნინო ლომჯარია აკრიტიკებს და მიუღებელს უწოდებს.

მარიამ ჯაშის თქმით, უნდა მოხდეს აზერბაიჯანში მცხოვრები ქართველების უფლებების გათანაბრება საქართველოში მცხოვრები აზერბაიჯანელების უფლებებთან როგორც განათლების, ასევე სხვა სერვისებზე.

„უნდა მოვიფიქროთ ერთიანი მიდგომა, რომელიც დაფუძნებული იქნება თანამშრომლობაზე“, – “პირველი არხის” ცნობით, განაცხადა მარიამ ჯაშმა.

ამასთან დაკავშირებით ისაუბრა უმრავლესობის კიდევ ერთმა დეპუტატმა ზვიად კვაჭანტირაძემაც:

“ჩვენ ყველაფერს ვეცდებით, რომ პრობლემების გადაჭრა ჩვენს აზერბაიჯანელ მეგობრებთან და პარტნიორებთან ერთად მოხერხდეს. გაგვაჩნია ძალიან სერიოზული სტრატეგიული თანამშრომლობა და მეგობრობა აზერბაიჯანის რესპუბლიკასთან, ასევე, გაგვაჩნია ისტორიულად კარგი ურთიერთობა, რაც გახდება საფუძველი, რომ პრობლემები, რომელიც ქართველი მოსახლეობის წინაშე აზერბაიჯანის ტერიტორიაზე არსებობს, ეტაპობრივად იყოს აღმოფხვრილი, ისევე როგორც ჩვენ ვცდილობთ, ყველანაირი პრობლემა საქართველოს ტერიტორიაზე მცხოვრები აზერბაიჯანელებისა იყოს გადაწყვეტილი და მოწესრიგებული“, – განაცხადა ზვიად კვაჭანტირაძემ “პირველი არხის: მიხედვით.

სახალხო დამცველ ნინო ლომჯარიას კრიტიკა სწორედ დეპუტატების ამ განცხადებას ეხება.

“ქ-ნო მარიამ, საქართველოში მცხოვრები ეთნიკურად აზერბაიჯანელი მოქალაქეები საქართველოს ისეთივე მოქალაქეები არიან და ისეთივე უფლებებით სარგებლობენ, როგორც ეთნიკური ქართველები ან სხვა ეროვნების მოქალაქეები. საქართველოს მოქალაქეების ეთნიკური ნიშნით გამოყოფა სრულიად გაუმართლებელი და მიუღებელია. ის, რომ ჩვენი მოქალაქეების უფლებებს ვიცავთ და უნდა დავიცვათ, მათ შორის, ეთნიკური უმცირესობების, ეს ჩვენი ქვეყნის საქმეა და აზერბაიჯანის ან სხვა სახელმწიფოს დასანახად, ან კონტრსარგებლის მისაღებად, თუნდაც სრულიად მართებული ინტერესების გასატარებლად, არ უნდა ვაკეთებდეთ და ვიყენებდეთ ამ საკითხს. მე ვფიქრობ, თქვენი განცხადება ძალიან არასწორ გზავნილებს შეიცავს”, – წერს სახლახო დამცველი ფეისბუკზე საჯაროდ გამოქვეუყნებულ პოსტში.

სხვა ამბები

“არ არის იმის დრო, რომ სიები ვადგინოთ, ვინ უნდა წავიდეს ციხეში და ვინ არა”

newsadmin

“ბოკერიასა და სააკაშვილის მიზანია, გაითამაშონ სპექტაკლი – ეს არის პოლიტიკური შამანობა ნადირობის წინ”

newsadmin

“მეგობრებო, თუ ღიად გაყიდულები არ ვართ, უნდა გვესმოდეს, რომ ძალა არის ერთობაში”

newsadmin

ინფორმაციას, რომ ნათია თურნავა თანამდებობას ტოვებს, ეკონომიკის სამინისტრო არ ადასტურებს

newsadmin

“საქართველოს ძალოვან და საგარეო უწყებებს შორის კონსულტაციები უნდა დაიწყოს, რათა გამოწვევები, რომლებიც თურქეთიდან მომდინარეობს, სიურპრიზად არ მოგვევლინოს”

newsadmin

“წარმოიდგინეთ, ქრისტიანობა არ მიგვეღო მეოთხე საუკუნეში, ვინ ვიქნებოდით ?”

newsadmin
იტვირთბა....