“არჩევნების დანიშვნა ცენტრალური საარჩევნო კომისიის პრეროგატივაა, რაც შეეხება დღის დანიშვნას, ეს დამოკიდებულია შემაჯამებელი ოქმის გამოქვეყნებაზე” – განუცხადა ჟურნალისტებს პარლამენტის თავმჯდომარე ირაკლი კობახიძემ.
მისი თქმით, არჩევნების თარიღი ამომრჩევლის აქტივობაზე გავლენას ვერ მოახდენს.
„ცესკო-ს გადასაწყვეტია როდის დაინიშნება არჩევნები. არ მგონია არჩევნების თარიღმა რაიმე გავლენა მოახდინოს ამომრჩელის აქტივობაზე. თქვენ გახსოვთ მაგალითად, სააკაშვილმა 2012 წელს ორშაბათ დღეს დანიშნა არჩევნები. თუმცა ეს არჩევნები იყო ყველაზე აქტიური საქართველოს უახლეს ისტორიაში, შესაბამისად აქ სპეკულაციებისთვის რაიმე საფუძველი ნამდვილად არ არის“ – განაცხადა ირაკლი კობახიძემ.
შეგახსენებთ, მიმდინარე წლის 2 დეკემბრამდე საქართველოში პრეზიდენტის არჩევნების მეორე ტური უნდა დაინიშნოს.