“ძალიან მძიმედ არის ჩვენი ქვეყნის საქმე ამ კაცის ხელში. ძალიან მძიმედ. ყველანაირი გადაჭარბების გარეშე. ამ კაცს, ან გავაგებინებთ მთელი ქვეყანა, რომ ასე გაგრძელება არ შეიძლება, ან ბოლომდე წირვას გამოუყვანს თავისი სიბნელით, უცოდინრობით და ბოღმით.
არც კი ვახსენებ დეტალებს, იმდენი ტყუილი და არასწორი რამ თქვა. აზრიც არ აქვს. დროულად უნდა წავიდეს. წერტილი”, – ასე ეხმაურება სოციალურ ქსელში “ევროპული საქართველოს” წევრი სერგი კაპანაძე პარტია “ქართული ოცნების” თავმჯდომარის გუშინდელ ინტერვიუს, რომელიც მან სამ ჟურნალისტთან ჩაწერა.