თბილისში, ხორავას ქუჩაზე მოკლული დავით სარალიძის მამა ზაზა სარალიძე, სოციალურ ქსელში პოსტს აქვეყნებს, რომელიც იმ გავრცელებულ ინფორმაციას ეხმაურება რომლის მიხედვითაც მალხაზ მაჩალაიკაშვილი სოსო გოგაშვილს ოჯახის ამოწყვეტით ემუქრება.
“გოგაშვილი, გომელაური, სუბელიანი, კალანდია, ფხაკაძე, შოთაძე, გაბიტაშვილი, გუგუშვილი, სირაძე ბედოიძე, ფიფია, ფარცხალაძე …….და ასე შემდეგ კიდე ბევრი არიან. მე რო მკითხოთ, დასახვრეტები არიან კიდე სხვები რო არ გაამწარონ.
ახლა აქეთ მამხედეთ თქვე ნაძირლების ხროვავ, მალხაზის კაცობის დონემდე როცა მიხვალთ მაშინ ილაპარაკეთ მასზე.
ტფუი თქვენი კაცობაც და ადამიანობაც და საერთოდ ქართველობაც ……..” – წერს სარალიძე.
შეგახსენებთ, სოციალურ ქსელში ცოტა ხნის წინ გავრცელდა ინფორმაცია იმის შესახებ, რომ მალხაზ მაჩალიკაშვილი სოსო გოგაშვილს ოჯახის ამოწყვეტით ემუქრება.
საკუთარ ფეისბუქ გვერდზე მალხაზ მაჩალიკაშვილი იგივე (ვაკჰ ტერლოევი) სისტემატიურად აქვეყნებს, სახელმწიფო უსაფრთხოების სამსახურის უფროსის პირველი მოადგილის, იოსებ გოგაშვილის ფოტოს და მას, მისი შვილის, ისლამური სახელმწიფოს მებრძოლ ტერორისტებთან აქტიურ ურთიერთობაში მყოფ, ასევე ტერორიზმში ეჭვმიტანილი თემირლან მაჩალიკაშვილის ლიკვიდაციას აბრალებს.
მალხაზ მაჩალიკაშვილი კვლავ მკვლელობების ჩადენით იმუქრება. მაჩალიკაშვილი სუსი-ს უფორსის ყოფილ პირველ მოადგილეს, იოსებ გოგაშვილს ოჯახის წევრების, მათ შორის მცირეწლოვანი შვილიშვილების მოკვლით ემუქრება.
მუქარის ტექსტს და იოსებ გოგაშვილის სურათს მალხაზ მაჩალიკაშვილი და მისი შვილი ნათია მაჩალიკაშვილი სისტემატიურად აქვეყნებენ სოციალურ ქსელში.
