ქართული ავიაკომპანია თბილისი-რომი-თბილისის მიმართულებით პირდაპირ რეისებს განახორციელებს. კომპანიამ facebook გვერდზე გაავრცელა განცხადება, რომ 28 ოქტომბრიდან რეგულარული ფრენები კვირაში ორი სიხშირით, ყოველ ხუთშაბათს და კვირას შესრულდება. ერთი გზის ფასი 320 ლარიდან, ხოლო ორი გზის 633 ლარიდან დაიწყება.
ასევე, 28 ოქტომბრიდან ავიაკომპანია Myway Airlines პირდაპირ ფრენებს თბილისი-ბუდაპეშტი-თბილისის მიმართულებითაც განახორციელებს და ფრენები ყოველ ხუთშაბათს და კვირას იქნება, ხოლო 20 ნოემბრიდან – სამშაბათს, ხუთშაბათს და კვირას.