„შინაურ ბინადარ ცხოველთა კეთილდღეობის შესახებ“ კანონში ცვლილებები შედის. კანონპროექტის ინიციატორი გარემოს დაცვის კომიტეტია და ცვლილებები კანონში საშემოდგომო სესიის დროს განხორციელდა. ინფორმაციას “1ტვ” ავრცელებს.
კანონპროექტის მიხედვით აკრძალულია თუ პირი:
ცდილობს ცხოველთა ორთაბრძოლების ორგანიზებას, ჩატარებასა და პროპაგანდას;
ცდილობს მოაწყოს ან აწყობს ცხოველთა ორთაბრძოლებს;
შეგნებულად იღებს ფულს ცხოველთა ორთაბრძოლაზე დაშვების მიზნით და ავრცელებს ინფორმაციას ცხოველთა ორთაბრძოლების გამართვის შესახებ;
წვრთნის და ამზადებს ცხოველებს ორთაბრძოლაში მონაწილეობისათვის;
იყენებს ან სხვას რთავს ნებას, თავის საკუთრებაში ან სარგებლობაში არსებული შენობა-ნაგებობა გამოიყენოს ორთაბრძოლების მოსაწყობად;
შეგნებულად იღებს და ავრცელებს ცხოველთა ორთაბრძოლის ვიდეო და ფოტო გამოსახულებებს ან ინახავს მათ, შემდგომში მათი გავრცელების მიზნით.