პრეზიდენტის საპარლამენტო მდივნის, ანა ნაცვლიშვილის განცხადებით, საქართველომ, როგორც სახელმწიფომ, უნდა გამოიყენოს ყველა შესაძლებლობა, რომ მუდმივად დაიცვას თავისი სახელმწიფო ინტერესები და მოქალაქეთა სიცოცხლე.
ნაცვლიშვილი ამ კომენტარით გამოეხმაურა ინტერპოლის მიერ ტატუნაშვილი-ოთხოზორიას სიის წევრებზე საერთაშორისო ძებნის გამოცხადების შესახებ ინფორმაციას. ის მიიჩნევს, რომ აღნიშნული ფაქტი ძალიან მნიშვნელოვანია.
„ქვეყანა გააგრძელებს ყველა შესაძლო ინსტრუმენტის გამოყენებას, რათა ოკუპანტს დაერქვას ოკუპანტი. ყველა უფლებადარღვევაზე, რომელსაც რუსეთი სჩადიოდა და სჩადის, უნდა გადაიხადოს შესაბამისი ფასი“, – განაცხადა ანა ნაცვლიშვილმა.