fbpx
ახალი ამბები მთავარი საზოგადოება

სპეციალური პედაგოგის სტატუსის მქონე მასწავლებლებს ხელფასი 500 ლარი ექნებათ

განათლების, მეცნიერების, კულტურისა და სპორტის მინისტრმა, მიხეილ ბატიაშვილმა განაცხადა, რომ იმ მასწავლებლებს, რომლებიც სპეციალური პედაგოგის სტატუსი მიენიჭებათ ხელფასი 500 ლარამდე გაეზრდებათ.

მისი თქმით, მთავრობის დღევანდელი დადგენილებით, ინკლუზიური განათლების რეფორმის კუთხით, სპეციალური საჭიროების მქონე მოსწავლეებისთვის მნიშვნელოვანი გადაწყვეტილება იქნა მიღებული.

„ეს მოსწავლეები საჭიროებენ ინდივიდუალურ სასწავლო გეგმებს, ინდივიდუალურ მუშაობას და თავისთავად, ამაში ჩართული პედაგოგები საჭიროებენ განსაკუთრებულ პირობებს. აქამდე ასეთი პედაგოგები არ სარგებლობდნენ სპეციალური სტატუსით და დღევანდელი დადგენილებით, მათ ენიჭებათ სპეციალური პედაგოგის სტატუსი, ანაზღაურება კი, 500 ლარამდე გაიზრდება“, – განაცხადა მინისტრმა.

ბატიაშვილის ინფორმაციით, საქართველოში სპეციალური საჭიროების მქონე 7 000-მდე მოსწავლეა და დაახლოებით 1 700-მდე პედაგოგია ჩართული პროცესში.

„ამ პედაგოგებისთვის შესაბამისი პირობების შექმნა, ვფიქრობთ, მნიშვნელოვანი საკითხია, რომელიც დაეხმარება მათ მოტივაციას და მოსწავლეებთან  მუშაობას. ხელფასი ეზრდება სეგმენტს, რომლებიც სპეციალური საჭიროების ბავშვებთან მუშაობენ. აქამდე მათ სკოლის ადმინისტრაციული პერსონალის სტატუსტი ჰქონდათ. დღევანდელი განკარგულებით კი, მათ ენიჭებათ სპეციალური პედაგოგების სტატუსი, რომელიც საშუალებას იძლევა მომავალშიც გავზარდოთ მათი ხელფასი“, – განაცხადა მინისტრმა.

ამავე თემაზე
იტვირთბა....