“სრულიად ოცნება დღემდე ივანიშვილის რესურსებზე პარაზიტირებს და არავის უნდა მისი მხრებიდან ჩამოსვლა”

ექსპერტმა გია ხუხაშვილმა გადაცემაში „360 გრადუსში“ განაცხადა, რომ „ქართული ოცნება“ დღემდე ექს-პრემიერ ბიძინა ივანიშვილის რესურსებზე პარაზიტირებს და არავის უნდა მისი მხრებიდან ჩამოსვლა. მისი თქმით, მმართველ პარტიაში რეალურად გადაწყვეტილების მიმღები, არავინაა.

“ოცნებაში იქ არ არიან ლიდერები, არავის უნდა ივანიშვილის მხრებიდან ჩამოსვლა. ეს გარკვეულ პასუხისმგებლობას ნიშნავს, რაც არავის შეექმნა. ამ ადამიანებს არაფერი აერთიანებთ, არც საერთო მსოფლმხედველობა, არც ფასეულობათა სისტემა, არც მეგობრობა, არაფერი, ერთადერთი – პარაზიტირება ბიძინა ივანიშვილის რესურსებზე“, – აცხადებს ხუხაშვილი.