ორმხრივი სროლის შედეგად საფრანგეთის ქალაქ ბონში 7 ადამიანი დაშავდა.
გამოცემა Le Parisien პოლიციაზე დაყრდნობით აცხადებს, რომ მათ ცეცხლსასროლი იარაღისგან მიყენებული სხვადასხვა სიმძიმის დაზიანებები აღენიშნებათ.
ინციდენტი ადგილობრივი დროით 04:20 წუთზე სენ-ჟაკის რაიონში მოხდა. ამ დროისთვის დაუდგენელი პირი ავტომობილიდან გადმოვიდა და ადამიანთა ჯგუფს ცეცხლი გაუხსნა. დაშავებულები სამედიცინო დაწესებულებაში არიან გადაყვანილები. ერთ-ერთი მათგანი კრიტიკულ მდგომარეობაშია.
ამ დროისთვის შემთხვევის ადგილზე სამართალდამცველები იმყოფებიან. წინასწარი ვერსიით, სროლის მიზეზი პირადი ანგარიშსწორებაა.
