იუსტიციის მინისტრის განცხადებებიდან ჩანს, რომ თეა წულუკიანი ვერ იაზრებს, რამდენად მძიმე ვითარება შეიქმნა,- ამის შესახებ იუსტიციის უმაღლესი საბჭოს არამოსამართლე წევრმა განაცხადა.
ანა დოლიძე მიიჩნევს, რომ წულუკიანმა მთავარი პროკურორი არ უნდა შეარჩიოს და შოთაძის პასუხისმგებლობა უნდა გაიზიაროს. ინფორმაციას “იმედინიუსი” ავრცელებს.
“თეას არ აქვს გააზრებული ის რთული ვითარება, რომელიც მათ შორის, იუსტიციის სამინისტროს გამო შეიქმნა პროკურატურასა და სასამართლოში. შესაბამისად, მე ვერ ვხედავ ვერავითარ ნიშანს როგორ უნდა აარჩიოს კარგი მომავალი მთავარი პროკურორი იმ იუსტიციის მინისტრმა, რომელსაც ვერ გაუაზრებია, რა მძიმე ვითარება შეიქმნა ამ ორივე სფეროში. ვფიქრობ, წულუკიანმა მთავარი პროკურორის პასუხისმგებლობა უნდა გაიაზიაროს და უნდა დაანებოს თავი ამ ორ სფეროს. მიანდოს სხვა პიროვნებას რომელიც იმედი მაქვს, ნამდვილ რეფორმებს გაატარებს პროკურატურასა და სასამართლოში. ის ვერ იაზრებს, როგორც იუსტიციის მინისტრი რაოდენ მძიმე ვითარება შეიქმნა და მან შოთაძის პასუხისმგებლობა უნდა გაიზიაროს. მან არ უნდა შეარჩიოს მომავალი პროკურორი”,- განაცხადა ანა დოლიძემ.