რუსეთში გასამართ 2018 წლის მსოფლიო საფეხბურთო ჩემპიონატის წინ “მეტრონომმა” პოლიტიკოსებსა და ცნობილ პიროვნებებში ჩაატარა გამოკითხვა, თუ ვის გულშემატკივრობენ ისინი უდიდეს საფეხბურთო ფორუმზე.
გთავაზობთ გამოკითხვის პირველ ნაწილს:
გია ხუხაშვილი – პოლიტოლოგი: მე სამხრეთ ამერიკულ, რბილ ფეხბურთს ვგულშემატკივრობ და ზოგადად, ბრაზილიის მხარეს ვარ.
ანა დოლიძე – იუსტიციის უმაღლესი საბჭოს არამოსამართლე წევრი: ჩემთან ოჯახში ბრაზილიას ვგულშემატკივრობთ.
დავით უსუფაშვილი “შენების მოძრაობის” ლიდერი: არგენტინას ვგულშემატკივრობ. ცოტა ისეთი ნათქვამია, მაგრამ მესი რომ რუსეთის ნაკრებში თამაშობდეს, რუსეთს ვუგულშემატკივრებდი.
გოგი წულაია – “თავისუფალი საქართველო”: ბრაზილიის მხარეს ვარ მსოფლიო ჩემპიონატზე.
თამაზ მეჭიაური – თიანეთის მერი: მე ჰოლანდიის გულშემატკივარი ვარ, მაგრამ რახან ვერ გავიდა ესპანეთის მხარეს ვიქნები.
დავით ბერძენიშვილი “რესპუბლიკური” პარტია: მე ბრაზილიის ასატანი გულშემატკივარი ვარ. თუ დავით ტურაშვილს დავესესხები არიან ბრაზილიის ზვიადისტი გულშემატკივრები.
ლევან ბერძენიშვილი “რესპუბლიკური” პარტია: ბრაზილიას ვგულშემატკივრობ.
გიგა ბოკერია “ევროპული საქართველო”: არგენტინის გულშემატკივარი ვარ.
თამარ კორძაია “რესპუბლიკური” პარტია: ფეხბურთს არ ვუყურებ ასე, რომ..
ზაზა პაპუაშვილი “ქართული ოცნება”: ბრაზილიის გულშემატკივარი ვარ..
იაგო ხვიჩია “გირჩი”: მე არგენტინის გულშემატკივარი ვარ…
სანდრო ბრეგაძე “ქართული მარში”: ბრაზილიას და ბრაზილიურ ფეხბურთს ვგულშემატკივრობ.