„ხალხთან ომი დასრულდეს!“ – განაცხადა ბექა წიქარიშვილმა პარლამენტის შენობის წინ, აქციის მსვლელობის დროს, მიმართვისას.
მისი განცხადებით, მომხდარზე პასუხსიმგებლობა მმართველ პარტიას ეკისრება.
„ყოველივე მომხდარზე პასუხისმგებლობა ეკისრება მმართველ პოლიტიკურ გუნდს. პოლიტიკურ გუნდს, რომელიც უკვე 6 წელია, ურცხვად გვატყუებს, რომ მათი მთავარი ღირებულება არის ადამიანი,“ – განაცხადა მიმართვისას ბექა წიქარიშვილმა.
შეგახსენებთ, რომ თბილისში რუსთაველის გამზირზე, პარლამენტის შენობის წინ აქცია მიმდინარეობს. აქციის მონაწილეები კლუბ „ბასიანსა“ და კლუბ „გალერიში“ სპეცოპერაციას აპროტესტებენ.