საფეხბურთო კლუბ “ბარსელონას” ქართული ფან-კლუბის წევრები აქციას მართავენ, რათა “გირჩის” დაპატიმრებულ წევრ და “ბარსელონას” ქომაგ იაგო ხვიჩიას კლასიკოს ყურების საშუალება მიეცეს.
ოფიციალური ქართული ფანკლუბი კვირას, 6 მაისს, 14:00 საათზე დიღმის იზოლატორთან (მაიაკოვსკის ძეგლის პირდაპირ) მართავს მშვიდობიან და აპოლიტიკურ აქციას ერთადერთი მოთხოვნით: აყურებინეთ იაგოს კლასიკო!
მივცეთ იაგოს უფლება, უყუროს სეზონის უმნიშვნელოვანეს მატჩს, მისი საყვარელი ფეხბურთელის ანდრეს ინიესტას უკანასკნელ კლასიკოს”, – ნათქვამია ფან-კლუბის მიერ გავრცელებულ განცხადებაში.
იაგო ხვიჩიას თბილისის საქალაქო სასამართლომ 10-დღიანი პატიმრობა შეუფარდა.
