“ოსკარის” დაჯილდოების 90-ე ცერემონიაზე წლის ფილმის პრესტიჟული ჯილდო წილად ხვდა გილერმო დელ ტოროს „წყლის ფორმას“, რომელმაც ასევე გაიმარჯვა წლის რეჟისორის კატეგორიაში.
მსახიობ ქალებს შორის ჯილდო მიიღო ფრენსის მაკდორმანდმა ფილმში „სამი ბილბორდი ებინგის საზღვარზე“ შესრულებული როლისთვის, მამაკაცების კატეგორიაში საუკეთესოდ ბრიტანელი გერი ოლდმანი დასახელდა, უინსტონ ჩერჩილის როლის შესრულებისთვის ფილმში „ჩერჩილი მძიმე დროება“.