თბილისის საგანგებო სიტუაციების მართვის მთავარი სამმართველოს უფროსის მოადგილის მამუკა ყირიმელის განცხადებით, ადგილზე მისულ მეხანძრეებს ხანძარი სარდაფსა და მესამე სართულზე დახვდათ.
„ხანძარი ამ დროისთვის ლიკვიდირებულია. მთლიანობაში დაახლოებით 5 000 კვადრატული მეტრის ფართობია დამწვარი. უსაფრთხოების მიზნით, ადგილზე ორი სახანძრო-სამაშველო ჯგუფი დარჩა”, – აცხადებს ყირიმელი.
შეგახსენებთ, რომ 27 თებერვალს სავაჭრო ცენტრ “ქალაქის გულში” ხანძარი გაჩნდა. დამწვარია მოვაჭრეების საქონლის ნაწილი. ხანძარს მსხვერპლი არ მოყოლია.