“გლდანში “ლიბერთი” ბანკი დააყაჩაღეს. ყაჩაღობა გლდანის მესამე მიკრორაიონში ცოტა ხნის წინ მოხდა. გავრცელებული ინფორმაციით, თავდამსხმელებმა გარკვეული თანხის წაღება მოახერხეს. თავდასხმის დროს ბანკში თანამშრომლები და 20-მდე მოქალაქე იმყოფებოდა. თვითმხილველები ამბობენ, რომ შეიარაღებულ პირს ნიღაბი ეკეთა.
როგორც ცნობილია, „ლიბერთი ბანკის“ აღნიშნული ფილიალი სხვა დროსაც რამდენჯერმე დააყაჩაღეს. ბანკზე მომხდარ თავდასხმაზე შსს-მ გამოძიება 179-ე ყაჩაღობის მუხლით დაიწყო.