“ამ ხარბ მთავრობას, თვითონ რომ არაფერს იკლებს, ჰგონია, რომ ხალხი სულელია: შეუძლია დაზოგოს სიბერისთვის და არ ზოგავს”,- ამის შესახებ ნაციონალური მოძრაობის ერთ-ერთი ლიდერი ზურაბ ჭიაბერაშვილი სოციალურ ქსელში წერს.
ჭიაბერაშვილის თქმით, დღეს მნიშვნელოვანია ეკონომიკის ზრდა და სამუშაო ადგილების შექმნა.
” 745,000 დასაქმებულიდან 520,000-ს ხელფასი 600 ლარი ან კიდევ უფრო ნაკლები აქვს.
ამ ხალხმა ასეთი დაბალი შემოსავალი უნდა იმყოფინოს
– გაძვირებულ სურსათზე
– გაძვირებულ დენზე
– გაძვირებულ გაზზე
– გაძვირებულ საწვავზე
– გაძვირებულ ტრანსპორტზე
– გაძვირებულ მედიკამენტზე
– გაძვირებულ კრედიტზე
და თან – “ჭკვიანი” მთავრობის გადაწყვეტილებით – დაზოგოს სიბერისთვის.
ხალხი განა არ ზოგავს, ვერ ზოგავს.
ამიტომ დღეს უპირველესი ამოცანა მაღალი ეკონომიკური ზრდა, სამუშაო ადგილების შექმნა, შემოსავლების ზრდაა. თუ ეს იქნება, მერე ხალხი მთავრობაზე ჭკვიანია და იცის, როგორ დაზოგოს სიბერსითვის – უძრავ ქონებაში ჩადოს, ბიტკოინი იყიდოს თუ კერძო საპენსიო ფონდს ანდოს თავისი ფული”.