რუსთავში, 40 წლამდე მამაკაცმა საკუთარ სახლში სიცოცხლე, სავარაუდოდ, თვითმკვლელობით დაასრულა. შემთხვევა დღეს დილით, დუმბაძის ქუჩაზე მოხდა, ადგილზე მობილიზებული იყო საპატრულო პოლიცია.
შინაგან საქმეთა სამინისტროში აცხადებენ, რომ მომხდართან დაკავშირებით გამოძიება სისხლის სამართლის კოდექსის 115 მუხლით დაიწყო, რაც თვითმკვლელობამდე მიყვანას გულისხმობს. გარდაცვლილი მამაკაცის თვითმკვლელობის მიზეზი ჯერჯერობით უცნობია.