კვების რომელ ობიექტებში აღმოაჩინეს ცხენისა და ვირის ხორცი: იხილეთ ჩამონათვალი

სურსათის ეროვნული სააგენტო იმ მწარმოებლების სიას აქვეყნებს, რომლის ნაწარმოებ ხორცპროდუქტში ცხენის და ვირის ხორცი აღმოაჩინეს. თბილისში ასეთი 9 ობიექტი აღმოჩნდა, ორი – ბათუმში, ერთი კი – ქარელში.

შემოწმების შედეგად ერთ პროდუქტში ნახეს ვირის ხორცის შემცველობა, თერთმეტში კი – ცხენის ხორცი.

მწარმოებლების ჩამონათვალი კი ასეთია:

თბილისი

შპს,,ნავთლუღის სავაჭრო შემსყიდველი საწარმო – საქონლის ხორცის ბასტურმა;

შპს,,ელფუდი” – ხინკალი “რაჭა“ (ნახევარფაბრიკატი);

ი/მ ოთარი ხარშილაძე – კატლეტი;

შპს,,იმედი2012″ – გაყინული ქაბაბი (ნახევარფაბრიკატი);

შპს,,გაუშა” – გაყინული გუფთა;

შპს,,კავკასიაN1 “ – საქონლის ხორცის ,,ბასტურმა”;

შპს,,მეგა” ნახევარფაბრიკატების საწარმო – გაყინული ქაბაბი (ნახევარფაბრიკატი);

მწარმოებელი ი.მ,,თ. ნიაზაშვილი” – გაყინული ხინკალი (ნახევარფაბრიკატი);

რეგიონები

ი/მ იზოლდა ევგენიძე” კაფე -ბარი ,,ჩვენებურები” (ბათუმი) – კატლეტის ფარში (ნახევარფაბრიკატი);

ი/მ ,,ბაკური” (ბათუმი) – ფარში;

შპს ,,მაკრატელა“ (ქარელი) – საქონლის ხორცის ,,ოსტრი” (მზა პროდუქტი);

ვირის ხორცი აღმოჩნდა ი/მ,,შალვა არჩვაძის წარმოებულ ოსტრში (მზა პროდუქტი).

სურსათის ეროვნული სააგენტო ხორცის სახეობრივ კვლევას 2017 წლის მარტიდან ატარებს. შესაბამისად, სააგენტოში არ გამორიცხავენ, რომ ჩამოთვლილმა მწარმოებლებმა, შესაბამისი სანქციების შემდეგ დარღვევები გამოასწორეს.