“ლიბერალური ელიტა გვეუბნება, რომ “ნულოვან ტოლერანტობას” ტოლერანტობისთვის მიღებულ ჯილდოსთან კავშირი არა აქვს და როგორც სჩვევიათ, არაკომპეტენტურობაში გვამხელენ“,- ამის შესახებ სოციალურ ქსელში პოლიტოლოგი გია ხუხაშვილი წერს:
“მათი ლოგიკით ხელოვნების ნიმუშის ქურდიც შეიძლება ხელოვნების სიყვარულისთვის დაჯილდოვდეს. ეს იყო იმ ხელისუფლების მთავარი პრობლემა და როგორც ჩანს, დღემდე ვერ ხედავენ ადამიანების უფლებების დაცვის უკან ცოცხალ ადამიანებს.“-წერს გია ხუხაშვილი.
კავკასიური სახლის ხელმძღვანელმა, მწერალმა ნაირა გელაშვილმა ტოლერანტობის კულტურის განვითარებაში შეტანილი გამორჩეული წვლილისთვის მიღებული ჯილდო დააბრუნა.
მისი თქმით, პროტესტი „ევროპული საქართველოს“ ერთ-ერთი ლიდერის, გიგა ბოკერიასა და ტელეკომპანია „რუსთავი 2“-ისთვის „ტოლერანტობის ქომაგის“ ჯილდოს გადაცემამ გამოიწვია.
16 ნოემბერს სახალხო დამცველთან არსებულმა რელიგიათა საბჭომ საქართველოში ტოლერანტობის კულტურის განვითარებაში შეტანილი გამორჩეული წვლილისთვის პოლიტიკოსები, მწერლები და მედიის წარმომადგენლები დააჯილდოვა.
ნაირა გელაშვილი: “სახალხო დამცველის იდეა ჩაგრულთა და არა მოძალადეების გვერდით დადგომაა”