ქეთევან დედოფლის წმინდა ნაწილები დღეს ასპინძაში, ხვილიშას ეკლესიაში ახალქალაქიდან გადაასვენეს.
ხვილიშას ტაძარში ახალციხისა და ტაო-კლარჯეთის მიტროპოლიტმა თეოდორემ საკვირაო წირვა აღავლინა. ღვთისმსახურების დასრულების შემდეგ მეუფემ ქეთევან დედოფლის პარაკლისი გადაიხადა.
ამის შესახებ ინფორმაციას 1tv ავრცელებს.
მიტროპოლიტ თეოდორეს თქმით, დედოფლის წმინდა ნაწილები სამცხე-ჯავახეთში სამი დღის განმავლობაში დარჩება.
როგორც ცნობილია, ქეთევან დედოფლის წმინდა ნაწილებს 31 ოქტომბერს ადიგენში, ხოლო 1 ნოემბერს ხულოში გადაასვენებენ.
შეგახსენებთ, რომ ქეთევან დედოფლის წმინდა ნაწილები ინდოეთიდან საქართველოში 23 სექტემბერს ჩამოასვენეს. წმინდა ნაწილები საქათველოში 6 თვის განმავლობაში დარჩება და ყველა ეპარქიას მოივლის.