31 ივლისს გარდაბანში მომხდარი ოჯახური ძალადობის შემთხევაზე რუსთავის სასმართლომ ბრალდებული ვ.კ დამნაშავედ სცნო.
პროკურატურის ინფორმაციით, სასამართლო პროცესზე მტკიცებულებებით დადასტურდა, რომ 31 ივლისს, დაახლოებით საღამოს ცხრა საათისთვის ნასვამ მდგომარეობაში მყოფმა ვ.კ.-მ არასრულწლოვნის თანდასწებით ოჯახის წევრს ბლაგვი საგნით დაზიანება და ფიზიკური შეურაცხყოფა მიაყენა.
“ვ.კ.-მ ქ.გარდაბანში, ურთიერთშელაპარაკების ნიადაგზე, 14 წლის შვილიშვილის თანდასწრებით დედას სცემა”-
აღნიშნულია განცხადებაში. საგამოძიებო უწყების ცნობით, დაზარალებულმა მსუბუქი ხარისხის დაზიანება მიიღო.
“სამართალდამცველებმა ვ.კ. პირველ აგვისტოს ქ. გარდაბანში დააკავეს. მას ბრალდება სისხლის სამართლის კოდექსის 1261-ე მუხლის მეორე ნაწილის „ბ“ ქვეპუნქტით (ოჯახის ერთი წევრის მიერ მეორეს მიმართ ძალადობა, რამაც გამოიწვია ფიზიკური ტკივილი, ჩადენილი არასრულწლოვანის თანდასწრებით მისივე ოჯახის წევრის მიმართ) წარედგინა”. – წერია პროკურატურის განცხადებაში.
რუსთავის საქალაქო სასამართლომ ვ.კ. დამნაშავედ სცნო და 1 წლით თავისუფლების აღკვეთა მიუსაჯა.