როგორც საქართველოს მესამე პრეზიდენტი, მიხეილ სააკაშვილმა განცხადა, ავტობუსში ყოფნისას უკრაინის პასპორტი მოჰპარეს.
“მე ხელში როცა ამიყვანეს და მოვყავდი ხალხს, მერე ვნახე რომ პასპორტი არ მქონდა” – თქვა სააკაშვილმა ლვოვში გამართულ ბრიფინგზე.
„პოლიცია მოვიდა, გაჩხრიკა ავტობუსი და ჩემი პასპორტი მოიპარა“, – დარწმუნებულია სააკაშვილი.
„მე ახლა უკრაინაში აბსოლუტურად ლეგალურად ვიმყოფები. მე მივმართე უკრაინის სახელმწიფოს დაცვის შესახებ და ჩემი ეს თხოვნა სასამართლოში უნდა იქნას გადაწყვეტილი“, – დასძინა მან.
შეგახსენებთ, 10 სექტემბერს, უკრაინა-პოლონეთის საზღვართან, შეგინის სასაზღვრო პუნქტთან, უკრაინის ტერიტორიაზე მყოფმა სააკაშვილის მხარდამჭერებმა კორდონი გაარღვიეს, საკონტროლო-გამშვებ პუნქტზე შეიჭრნენ და სააკაშვილი უკრაინის ტერიტორიაზე გადაიყვანეს, რის შემდეგაც მიხეილ სააკაშვილი, მხარდამჭერებთან ერთად, ლვოვში ჩავიდა. ერთი თვის წინ, სააკაშვილს უკრაინის მოქალაქეობა ჩამოართვეს და ქვეყანაში შესვლა აუკრძალეს.
