ოფიციალური კიევის დამოკიდებულება სააკაშვილის მიმართ არაცივილიზებულია. ასეთი განცხადება გააკეთა ევროპარლამენტარმა იაცეკ სარიუშ ვოლსკიმ რადიო „თავისუფლებასთან“, რომელმაც სააკაშვილთან ერთად გადალახა პოლონეთი-უკრაინის საზღვარი.
მისი თქმით, იმას, რაც გუშინ საზღვართან მოხდა, ევროპარლამენტის სხდომაზე აუცილებლად განიხილავს. “პოლონეთი მძიმე პერიოდში პრეზიდენტ საააკაშვილის გვერდით იდგა, მაგალითად, 2008 წლის ომის დროს, ხოლო სააკაშვილი კი – პოლონეთის გვერდით. მას უფლება აქვს, გაასაჩივროს უკრაინის ხელისუფლების უკანონო გადაწვეტილება , მისთვის მოქალაქეობის ჩამორთმევასთან დაკავშირებით. ეს რეაგირების გარეშე არ დარჩება. ჩვენი სოლიდარობა მიხეილ საააკაშვილს!“, – განაცხადა იაცენ სარიუშ ვოლსკიმ.
შეგახსენებთ, მიხეილ სააკაშვილმა და მისმა მხარდამჭერებმა გუშინ, პოლონეთი-უკრაინის საზღვრის გამშვებ პუნქტთან კორდონები გაარღვიეს და უკრაინის ტერიტორიაზე საპასპორტო შემოწმების გარეშე შევიდნენ. ერთი თვის წინ, სააკაშვილს უკრაინის მოქალაქეობა ჩამოართვეს და ქვეყანაში შესვლა აუკრძალეს.