საპატრიარქოს იურისტის, ედიშერ ქარჩავას განცხადებით, ის მომავალში აუცილებლად გაითვალისწინებს იმ შენიშვნებს, რომელიც მისი მისამართით საპატრიარქომ გამოთქვა. მისივე განმარტებით, ის თანამდებობას არ ტოვებს და მოვალეობის შესრულებას ჩვეულებრივად აგრძელებს:
„საპატრიარქოს განცხადებასთან დაკავშირებით მე შემიძლია ცალსახად და გარკვევით გითხრათ, რომ შენიშვნას შემდგომში აუცილებლად გავითვალისწინებ. მე ჩემი სათქმელი გითხარით. ჩემი მოვალეობის შესრულებას ჩვეულებივ ვაგრძელებ.“- განაცხადა ედიშერ ქარჩავამ.
შეგახსენებთ, რომ საპატრიარქომ გუშინ გაავრცელა განცხადება, სადაც ნათქვამია, რომ ედიშერ ქარჩავას ბოლოდროინდელი განცხადებები საქართველოს საპატრიარქოსთან არ იყო შეთანხმებული და ამის გამო საპატრიარქოს იურისტს გაფრთხილება მიეცა.