“ის არ ვიცი ახლა, პრეზიდენტი გახდება თუ არა, მაგრამ “კანაფის დედოფალი” ნამდვილად გახდება”- ამის შესახებ საქართველოს კათოლიკოს-პატრიარქის ქორეპისკოპოსმა, მეუფე იაკობმა პრეზიდენტობის დამოუკიდებელი კანდიდატის, სალომე ზურაბიშვილის შესახებ განაცხადა.
„შეიძლება თუ ვერ გაიმარჯვა იმას ფიქრობს, რომ მერე ერთ ლიცენზიას მაგის აიღებს. იყო ხოლმე გამოთქმა, ფეხბურთს როცა ვთამაშობდით ახალგაზრდობაში, იყვნენ ხოლმე ადამიანები გამოდიოდნენ და ამას ვიზამ, იმას ვიზამო და კრამიტებს რაკარუკი არ აუტეხოო, ვეტყოდით ხოლმე და არ ვიცი, რა უნდა ქნას ახლა ქალბატონმა სალომემ, სად აქვს იმდენი ავტორიტეტი, რომ მაგის სიტყვას უსმინონ. შეხვედრებზე ნახეთ, სადაც დადის, მასწავლებლები ჰყავთ, კარგად ვიცი რა ხდება და ეს პიარ ტექნოლოგიები კარგად ვიცი. თუ იმას ამბობს, რომ კანაფს ჩაუდგება, კანაფის დედოფალი შეიძლება გახდეს. ის არ ვიცი ახლა, პრეზიდენტი გახდება თუ არა, მაგრამ “კანაფის დედოფალი” ნამდვილად გახდება,“ – განაცხადა მეუფე იაკობმა “რუსთავი 2”-თან ინტერვიუში.
სალომე ზურაბიშვილმა განაცხადა, რომ მარიხუანის შესახებ კანონპროექტზე საზოგადოებასა და ეკლესიას ზუსტი ინფორმაცია არ აქვს მიწოდებული, შესაბამისად, მან განაცხადა, რომ საინფორმაციო კამპანიას სათავეში თავად ჩაუდგება.