aviabiletebi
ახალი ამბები მთავარი სამართალი

არასრულწლოვანი გოგონას მოტაცებისთვის, პროკურატურამ ორ პირს ბრალი წაუყენა

aviabiletebi
ავიაბილეთები

პროკურატურამ არასრულწლოვნის თავისუფლების უკანონო აღკვეთისთვის ორ პირს ბრალდება წარუდგინა – აცხადებენ მთავარ პროკურატურაში. საქმე მარნეულის რაიონის სოფელ თაქალოში მომხდარ ფაქტს ეხება, რომლის შესახებაც ცოტა ხნის წინ მედიით გახდა ცნობილი.

„მარნეულის რაიონულმა პროკურატურამ წინასწარი შეთანხმებით ჯგუფის მიერ, დამნაშავისთვის წინასწარი შეცნობით არასრულწლოვნის მიმართ ჩადენილი თავისუფლების უკანონო აღკვეთისთვის რ. რ-ს და გ. ზ.-ს   წარუდგინა ბრალდება საქართველოს სისხლის სამართლის კოდექსის 143-ე მუხლის მესამე ნაწილის „ა“ და „დ“ ქვეპუნქტებით.

გამოძიებით დადგინდა, რომ 2017 წლის 28 აპრილს, დაახლოებით 09:00 საათზე, მარნეულის რაიონის სოფელ  თაქალოში მდებარე  საჯარო სკოლის მიმდებარე ტერიტორიაზე, რ. რ.-მ გ.ზ.-სთან წინასწარი შეთანხმებით ჯგუფურად, უკანონოდ აღუკვეთა თავისუფლება არასრულწლოვან  ზ. მ.-ს. საქმეზე გამოძიება გრძელდება საქართველოს სისხლის სამართლის კოდექსის 143-ე მუხლის მესამე  ნაწილის „ა“ და „დ“ ქვეპუნქტებით, რაც თავისუფლების აღკვეთას შვიდიდან ათ წლამდე ვადით ითვალისწინებს“ – აღნიშნულია პროკურატურის მიერ გავრცელებულ ინფორმაციაში.

იტვირთბა....