fbpx
ახალი ამბები მთავარი საზოგადოება

მერის მოადგილე: 2016 წელს გაჩენილ ხანძარს ლევან ხაბეიშვილი ახალ ამბად ავრცელებს

თბილისის მერის მოადგილე ირაკლი ლექვინაძე სოციალურ ქსელში შემდეგი სახის პოსტს აქვეყნებს:

„მეგობრებო,
გუშინ სოციალურ მედიაში ერთ-ერთ პოლიტიკური პარტიის წარმომადგენლის მხრიდან გავრცელდა მორიგი ტყუილი ინფორმაცია ლისის ტბის მიმდებარე ტერიტორიაზე ხე-მცენარეების მიზანმიმართული გადაწვის და დაზიანების შესახებ, რასაც სოციალური მედიაში აქტიური განხილვა და სამართლიანი პროტესტი მოჰყვა.

მინდა გითხრათ, რომ ეს არის მორიგი წინასაარჩევნო ტყუილი „ნაციონალური მოძრაობის” სატელიტი პიროვნების მხრიდან, რომელიც არაერთი ცრუ ინფორმაციის გავრცელებით გამოირჩევა ბოლო პერიოდში („გრანდიოზული პრემია დანამატები”, „მატარებელი გვირაბში ვერ ეტევა”, „მილიონერები თბილისის მთავრობაში და საკრებულოში”, „თბილისის მერია ლონდონის მერიაზე დიდია” და ა.შ.)

მინდა განვმარტო და აქვე ვდებ ფოტომასალას არქივიდან, რომ აღნიშნულ ტერიტორიაზე ხეებს დაზიანების კვალი 2012 და 2016 წლის ხანძრის შედეგად აღენიშნება, შესაბამისად, გავრცელებული ინფორმაცია, თითქოსდა, ხე-მცენარეები უახლოესი დღეების განმავლობაში დაზიანდა და ფაქტს მერიის მხრიდან რეაგირება არ მოჰყოლია, სიმართლეს არ შეესაბამება.

ტერიტორია, სადაც დაზიანებული ხეებია, „ლისი დეველოპმენტის” კერძო საკუთრებას წარმოადგენს.

არსებობს ფოტო და ვიდეო მასალები, რომლებიც 2016 წლით თარიღდება და ზუსტად იმ ტერიტორიაზე გაჩენილ ხანძარს, ასევე, დაზიანებულ ხე-მცენარეებს ასახავს, რომელსაც „სამოქალაქო პლატფორმა ახალი საქართველოს” ლიდერი ლევან ხაბეიშვილი სოციალურ ქსელში ავრცელებს, როგორც ახალ ამბავს.

სრული პასუხისმგებლობით ვაცხადებთ, რომ გავრცელებული ინფორმაცია სიმართლეს არ შეესაბამება და თბილისის მერია ქალაქში ხე-მცენარეების დაზიანების არც ერთ ფაქტს რეაგირების გარეშე არ ტოვებს.

ჩვენ გვესმის, რომ არჩევნები ახლოვდება და საჭიროა აქტიურობა სხვადასხვა პრობლემატურ თემებზე. თუმცა, ვთვლით, რომ ტყუილებით რეიტინგის შექმნა შეუძლებელია. გვინდა მოვუწოდოთ კონკრეტულ პოლიტიკურ პარტიებს, ნუ შეეცდებიან საზოგადოებისთვის სენსიტიური თემებით მანიპულირებას”, – წერს ლექვინაძე.

პოლიტიკური პლატფორმა „ახალი საქართველოს“ ლიდერი ლევან ხაბეიშვილი სოციალურ ქსელში ავრცელებს ვიდეოს სახელწოდებით “SOS ! კატასტროფა ხდება ლისის თავზე!”.

როგორც ხაბეიშვილმა „მეტრონომს“ განუცხადა, ლისის ტბის თავზე მიზანმიმართულად ხდება ნაძვების განადგურება, მათთვის ძირის დაწვა, რათა შემდეგ ისინი გახმეს და მოიჭრას.

“ხეებს მიზანმიმართულად ახმობენ”: რა ხდება ლისის ტბასთან

 

image (4)image (2)image (5)image (3)image (1)image

სხვა ამბები

“ბოკერიასა და სააკაშვილის მიზანია, გაითამაშონ სპექტაკლი – ეს არის პოლიტიკური შამანობა ნადირობის წინ”

newsadmin

“მეგობრებო, თუ ღიად გაყიდულები არ ვართ, უნდა გვესმოდეს, რომ ძალა არის ერთობაში”

newsadmin

ინფორმაციას, რომ ნათია თურნავა თანამდებობას ტოვებს, ეკონომიკის სამინისტრო არ ადასტურებს

newsadmin

“საქართველოს ძალოვან და საგარეო უწყებებს შორის კონსულტაციები უნდა დაიწყოს, რათა გამოწვევები, რომლებიც თურქეთიდან მომდინარეობს, სიურპრიზად არ მოგვევლინოს”

newsadmin

“წარმოიდგინეთ, ქრისტიანობა არ მიგვეღო მეოთხე საუკუნეში, ვინ ვიქნებოდით ?”

newsadmin

“სადაც იმ ადამიანებს იწყალებენ, ვისზეც მთელი ქვეყანა თუხთუხებს, მგონი პრობლემა არ უნდა ყოფილიყო მამა გიორგის შეწყალება“

newsadmin
იტვირთბა....