პარლამენტში, სადაც “თამბაქოს კონტროლის” შესახებ სერიოზული განხილვები მიმდინარეობს, საპატრიარქოს სოციალური დაცვის დეპარტამენტის ხელმძღვანელი, ზურაბ ვარაზი გამოეხმაურა.
მისი უწმინდესობის ლოცვა-კურთხევით, ნარკომანიაც, ალკოჰოლიზმიც და თამბაქოს მოწევაც ითვლება ადამიანის წინააღმდეგ ჩადენილ დანაშაულად, მკვლელობის ცოდვაში გადის და ითვლება სირცხვილად.
“ძალიან სასარგებლოა და ბედნიერები ვართ, რომ დადგა დრო, როცა ეს კანონი აღსრულდება და დავიწყებთ ცხოვრებას ჯანსაღ ქვეყანაში. მისი უწმინდესობის ლოცვა კურთხევით, ნარკომანიაც, ალკოჰოლიზმიც და თამბაქოს მოწევაც ითვლება ადამიანის წინააღმდეგ ჩადენილ დანაშაულად, ღვთის წინაშე ითვლება ცოდვად, მკვლელობის ცოდვაში გადის და ითვლება სირცხვილად. ეს უნდა დამკვიდრდეს, სირცხვილია, რომ ვეწევით. წავიკითხე და ვხედავ, რომ ეს კანონი ვერ წვდება იმ ადამიანებს, რომლებიც პრივატულ გარემოში, ოჯახში მოწევენ. რა თქმა უნდა, ამის გაკონტროლება ძალიან ძნელი იქნება, მაგრამ ბავშვების დაცვა საჭიროა. უმძიმესია, როცა მშობლები აბოლებენ და ბავშვს ეუბნებიან, რომ მან არ მოწიოს, ბავშვი აუცილებლად მოწევს. აქედან გამომდინარე, თუ კუთხეში დაყენება და ყურის აწევა არის ძალადობა, ესეც საშინელი ფორმა უნდა იყოს ძალადობის. ვიფიქროთ ამ საკითხზე. საქართველოს ეკლესია მზად არის და სხვა რელიგიური კონფესიებიც არ იქნებიან ჩამორჩენილი, სიხარულით ვებმებით ამ საქმეში. პირადად მე ვეწეოდი 18 წელი და 27 წლის წინ დავანებე მისი უწმინდესობის ლოცვა-კურთხევით. არანაირი მკურნალობა არ დამჭირვებია, ვარ არამწეველი. ვიფიქროთ ამაზე. ღმერთს ებარებოდეთ”,-ამბობს ზურაბ ვარაზი.