პოლიტიკურ საკითხებში საქართველოს პრეზიდენტის მრჩეველი ფიქრია ჩიხრაძე პრეზიდენტის ადმინისტრაციაში ჩატარებულ საკონსტიტუციო ცვლილებების მასშტაბურ განხილვაზე საუბრობს. მისი თქმით, აღნიშნულ პროცესებში მთელი საზოგადოება უნდა იყოს ჩართული.
“დღეს ძალიან მნიშვნელოვანი დღე იყო. მნიშვნელოვნად მიმაჩნია ის, რომ ის ერთსულოვნება, რომელიც დღეს ამ დარბაზში სუფევდა გადაედოს მთელ საქართველოს. ჩვენი საზოგადოება უნდა გრძნობდეს, რომ ჩვენ, საქართველოს მოქალაქეები, რაღაცაში ვთანხმდებით, ამაში თითოეული ჩვენთაგანის თანხმობა უნდა იგულისხმებოდეს“ – განაცხადა ჩიხრაძემ.
მან მმართველი გუნდის წარმომადგენლებზეც ისაუბრა, რომლებიც დღევანდელ განხილვას მიწვევის მიუხედავად არ დასწრებიან, მიზეზად კი პარლამენტის დღევანდელი სხდომა დაასახელეს.
“ჩავთვალოთ, რომ ეს იყო ობიექტური მიზეზი, მაგრამ დღევანდელი დღით დაიწყო მხოლოდ. დღევანდელი დღე არ ნიშნავს, მხოლოდ რაიმეს ჩაკეტვას. ჩვენ მზად ვარ რომ, ყველას შევთავაზოთ თანამონაწილეობა,“ – აღნიშნა ჩიხრაძემ.