ევროპის ადამიანის უფლებათა დაცვის სასამართლოსთან “რუსთავი 2”-ის მხარდასაჭერად საფრანგეთში მცხოვრებმა ქართველებმა აქცია გამართეს. ისინი სტრასბურგის სასამართლოს გადაწყვეტილებას დადებითად აფასებენ, რომლის თანახმადაც უზენაესი სასამართლოს გადაწყვეტილების აღსრულება დროებით შეჩერებულია.
ქართველი დიასპორის წარმომადგენლები აცხადებენ, რომ ის რაც დღეს “რუსთავი 2”-ის გარშემო ხდება, მათ აგონებს რუსეთში, პუტინის სცენარით განვითარებულ მოვლენებს.
აქციის მონაწილეები იმედს გამოთქვამენ, რომ სტრასბურგის სასამართლო გაითვალისწინებს “რუსთავი 2”-ის იურისტების მოთხოვნას, წარმოებაში მიიღებს სარჩელს და ასევე ევროსასამართლოში საქმის განხილვის დასრულებამდე შეაჩერებს სასამართლოს გადაწყვეტილების აღსრულებას.