ახალი ამბები მთავარი სამართალი

„პირველად პატრიარქის მიერ გაჟღერდა, რომ თავდებით გამოსულიყო მამა გიორგი“

„პირველად პატრიარქის მიერ გაჟღერდა, რომ თავდებით გამოსულიყო მამა გიორგი, უბრალოდ სინოდის წევრებმა სთხოვეს მის უწმინდესობას, რომ უსაფრთხოებიდან გამომდინარე ჯობდა, ის დარჩენილიყო საპყრობილეში”, – ამის შესახებ ჭყონდიდის მიტროპოლიტმა პეტრე (ცაავამ) ტელეკომპანია „რუსთავი 2-თან“ სატელეფონო საუბარში  განაცხადა.

„ის, რომ თითქოს მხოლოდ მეუფე პეტრე იყო განსხვავებულ აზრზე თავდებით გამოშვებაზე, არ შეესაბამება სიმართლეს. პატრიარქის მიერ იქნა ეს მოსაზრება პირველად გაჟღერებული, რომ თავდებით გამოსულიყო მამა გიორგი. მე და პატრიარქი ვიყავით ამ კუთხით ერთ აზრზე, უბრალოდ სინოდის წევრებმა სთხოვეს მის უწმინდესობას, რომ მამა გიორგის უსაფრთხოებიდან გამომდინარე სჯობდა, ის დარჩენილიყო საპყრობილეში და დავლოდებოდით გამოძიების წარმართვას, რასაც საბოლოოდ დავეთანხმეთ“, – განაცხადა მეუფე პეტრემ „რუსთავი 2“-თან სატელეფონო საუბარში.

შეგახსენებთ, უფლებადამცველმა ნანა კაკაბაძემ განაცხადა, რომ საპატრიარქოში ყველა, მეუფე პეტრე ცაავას გარდა, თანხმდებოდა ერთ აზრზე, რომ საქმეში ბრალდებული დეკანოზი გიორგი მამალაძე, მისივე უსაფრთოებიდან გამომდინარე, თავდებით არ უნდა გათავისუფლებულიყო.

შეგახსენებთ, მამა გიორგის ადვოკატები პროკურატურას მისი დაკითხვის თხოვნით მიმართავენ.

ცნობისთვის, დეკანოზი გიორგი მამალაძე 2017 წლის 10 თებერვალს დააკავეს. საქართველოს მთავარი პროკურატურის ინფორმაციით, ის მკვლელობის მომზადების ბრალდებითაა დაკავებული.

ავიაბილეთები იაფად
იტვირთბა....

სხვა ამბები

“გავანათოთ კიევი” – ანდრეი შევჩენკოს მიმართვა მსოფლიოს, ჩაბნელებული ოლიმპიური სტადიონიდან

Emily Peikrishvili

„ჩვენი გამარჯვება იარაღის ძალით და სულის სიმტკიცით მოიპოვება“ – ზელენსკი უკრაინელების ფოტოებს აქვეყნებს

გახარია უკრაინაში დაღუპულ ქართველებზე – ისინი წარმოადგენენ ქართველ ხალხს და არა მთავრობა

რუსეთში, საცხოვრებელ კორპუსში ბუნებრივი აირი აფეთქდა

„ჩვენ არ დავბომბავთ კიევს, რადგან იქ ჩვენი სალოცავებია“ – მარგარიტა სიმონიანი

უკრაინელი ერი მადლობელია ქართველი მებრძოლების – უკრაინის რადას დეპუტატი