„ჯერ შვილის საფლავზე ააფეთქეს იური ვაზაგაშვილი და ახლა საფლავიდან ამოთხრით ემუქრებიან”- ასეთ კომენტარს დებს ჟურნალისტი ნინო მიქიაშვილი ფეისბუქის საკუთარ გვერდზე. მისი თქმით, ეს მუქარა სააპელაციო სასამართლოში თავად მოისმინა და შესაბამისად, სათანადო უწყებისთვის ჩვენების მისაცემად მზადაა.
„კიდევ ერთი ამბავი – კორტების საქმეზე მსჯავრდებული ლევან ბეროძე გაუთავისუფლებიათ, ახლა დარბაზში ზის, ადვოკატების გვერდით. დარბაზში ნაცზონდერები მრავლად არიან. მოსამართლე მანუჩარ კაპანაძე ისევ ეფერება მსჯავრდებულებს, როგორც ამას წინა სხდომებზე აკეთებდა“- წერს ნინო მიქიაშვილი.