პაკისტანის ქალაქ პარაჩინარში, ბაზარში მომხდარ აფეთქებას 20 ადამიანი ემსხვერპლა, 40-მდე კი მძიმედ დაშავდა
ბიბისის ინფორმაციით, აფეთქების მომენტში ბაზარში ბევრი ხალხი იმყოფებოდა. აფეთქება თვითმკვლელმა ტერორისტმა მოაწყო, ტერაქტზე პასუხისმგებლობა ჯერჯერობით არცერთ დაჯგუფებას არ აუღია.
აღსანიშნავია, რომ პაკისტანის ამ ნაწილში მოძრაობა „თალიბანი“ აქტიურობს. “ ფრანს პრესის“ ინფორმაციით კი, მათ რედაქციაში „თალიბანის“ წარმომადგენელმა დარეკა და განაცხადა, რომ ტერაქტი მათი მოწყობილია და ეს შიიტებისთვის გაფრთხილება იყო, რომლებიც სირიის პრეზიდენტ ბაშარ ასადს მხარს უჭერენ.