ენმ-ს ყრილობაზე ხმათა უმრავლესობით პარტიის თავმჯდომარის ადგილი ვაკანტური დატოვეს. ამის შესახებ შეკრებილებს ნუგზარ წიკლაურმა განუცხადა:
„რადგან მიხეილ სააკაშვილი ენმ-ს დამაარსებელი და ლიდერია და რადგან ის ივანიშვილის რეჟიმის გამო დევნილია და მას ჩამოერთვა საქართველოს მოქალაქეობა, ენმ ადგენს, რომ პარტიის თავმჯდომარის არჩევა არ მოხდეს იქამდე, სანამ სააკაშვილის საქართველოში დაბრუნება არ მოხერდება.“ – განაცხადა წიკლაურმა.
რეზოლუცია ხმათა უმრავლესობით მიიღეს.
პარტიის რიგით მეშვიდე ყრილობა სპორტის სასახლეში გაიმართა.
ყრილობას მთლიანობაში 9 000 ადამიანი დაესწრო.
უკვე ცნობილია, რომ პოლიტსაბჭოს თავმჯდომარე – ნიკა მელია იქნება, ხოლო მისი მოადგილეები – ზაზა ბიბილაშვილი და ლევან ვარშალომიძე.