გიგი უგულავას დღევანდელ განცხადებებს მიხეილ სააკაშვილის წინააღმდეგ, “ენმ”-ს წევრი ჩიორა თაქთაქიშვილი სოციალურ ქსელში ეხმაურება:
“ჩამოირეცხეს სისხლიანი ცხრა წელი და გაუდგნენ გზას შუშის კოლბისკენ.
აბა რა ექნათ, ციხე შიგნიდან ვერ გატეხეს!!
უგულავამ 15-წუთიან გამოსვლაში მიშა ლამის 20-ჯერ ახსენა. აი, ყოჩაღ! იმ ბრძენიკაცის რეკორდს მაინც ნუ მოხსნით, ეწყინება, ცოდოა…” – წერს თაქთაქიშვილი.
შეგახსენებთ, დღეს „ნაციონალური მოძრაობა“ ერთმა ფრთამ დატოვა, კერძოდ უგულავა-ბოკერიას ფრთამ, რომლებიც ახალ პოლიტიკურ გაერთიანებას ქმნიან სახელწოდებით „ევროპული საქართველო“. პარტია 21-მა წევრმა დატოვა.