“ზურაბ ჟვანიას ექსპერტიზაზე ჩაჩუასთან ერთად კიდევ ერთი ახალგაზრდა ექსპერტი მუშაობდა, პრეზიდენტის რეზიდენციაში გადაყვანის შემდეგ ეს ბიჭი მოკლეს”, – განაცხადა შეწყალების კომისიის ყოფილმა თავმჯდომარემ, ელენე თევდორაძემ ”პალიტრანიუსის” გადაცემაში ”360 გრადუსში”.
”ზურაბ ჟვანიას ექსპერტიზაზე ჩაჩუასთან ერთად კიდევ ერთი ახალგაზრდა ექსპერტი მუშაობდა, რომელიც ექსპერტიზის დასრულების შემდეგ პრეზიდენტის რეზიდენციაში გადაიყვანეს. ეს ადამიანი მოხვდა იმ განყოფილებაში, რომელიც შეწყალების კომისიისთვის მასალას ამზადებდა. ამ ბიჭს ერთხელ ვკითხე, რომ მისი რეზიდენციაში დასაქმება იყო თუ არა დაწინაურება. მან მითხრა, რომ ეს მისი საქმე არ იყო, მაგრამ მაინც გადმოიყვანეს. დაახლოებით ორ კვირაში გავიგე, რომ ეს ბიჭი მოკლეს, ხოლო ვინც მოკლა, მან თავი მოიკლა. მაქვს კითხვა, რატომ მოხდა ამ ბიჭის ასე სწრაფად გადაყვანა პრეზიდენტის რეზიდენციაში, რომელიც ესწრებოდა ზურაბ ჟვანიას ექსპერტიზას?!”, – განაცხადა თევდორაძემ.
საქართველოს უზენაესმა სასამართლომ მეორე ინსტანციის გადაწყვეტილება ძალაში დატოვა და ზურაბ ჟვანიასა და ქვემო ქართლის გუბერნატორის მოადგილის, რაულ უსუპოვის გარდაცვალების საქმეზე ექსპერტ ლევან ჩაჩუას წინააღმდეგ პროკურატურის სარჩელი წამოებაში არ მიიღო.